Csa vl? c’av déga? Anch st’?n an’s fa brisa la m? cerimonia preferida: quala che a Carenvel a diveint sendegh per un dè!
Ma con qual c’al sucéd in tal mand, an m’la seint ed fer dal sfiledi o dal funziaun.
Acsè, anch ‘sta vólta, av mand du righ, per direv che incó Sasulein as seint ancara al voster sendegh e c’an v’à descurd?.

Propri adesa c’la sembreva ander un po’ mei; anch se col “grinpas” ed Speransa a g’avam tót un codice a barre e ‘na scadeinsa, c’am per d’éser un cutghein in uferta al supermerché!
Po' al sav? che a me im piesen al mascri, ma menga al mascareini…

Me a pinseva che con al vasein a iareven més a post ‘na mocia ed problema, invesi i ein saul chersu!
Sè, l’è veira, chi n’à vult? i p? a l’ós, al dis ed ster un po’ mei ed salut, anch se in tal servel quelch rudleina la tribola a girer in al vers giost, perchè ancara impgne a litigher tra chi al se fat siringher e chi l’è ancara lè a feregh un pinsirein: me, s’av pos der un cunseli, av degh d’arbaser al volom ed la radio o dal “tg-covid” che tant i caunten seimper al solit caiunedi per feres paura e ster sches!
No, amigh: turnam a l’antiga, rispetam al deret ed ciascun ed dir la s?, ma seimper seinsa ufendres, menga damant qui ch’is duvreven der l’eseimpi!

Se propria a duv? sfugherev, questiun? ed balaun, mo seinsa esagerer, c’an gh’nè bisagn vest che nueter a gh’am al noster Sasol, c’as da tanti emoziaun e sodisfaziaun. Al piò bel l’è st? a i europei, quand i noster zogadaur Berardi. Locatel e Raspadaur i an d? dal leziaun a tót!
Putrop, però, in campiun? al Sasol al ga trop spirit cavaleresch e, s’lè fort con al squedri forti, dal volti al per debol con quili debli tant da feres armunter in i ultem minut! Pasinsia: chi l’ha dura la vins!

A iò savu ch’a gh’è st? da dir so per Piasa Granda, tra chi’g vrev meter al macni e chi’g vol girer a p?:  csa vl? c’av déga? F? un po’ praun! In tót al maneri però ste ateinti ai sgnel, che ‘na volta al dè i cambien: préma a gh’è al seins unic, po’ al vin tir? via, pò gh’è al diviet ed sosta, pò igh polen ster saul i muturein: on ed sti dè ig mitran un disagn d’un bucalein, perchè quelchdun c’ac sa fadiga ander al ceso al peinsa bein ed scargher lè al rimaneinsi ed quel ch’l’à ingugn?! Amigh, me an’v pos menga aiuter, perchè i cartel i cambien tót i dè, e a me ed qual c’lè suces ier o c’al capita dman an pos e an in voi saver, vest ca fag al dendegh saul incó!

A voi anch ringrazier tót qui chi sein de da fer per cumprer al Caran e pò i l’an regal? al comun: speram c’al noster teater al posa avrir prest magari con al canzauni di noster artesta sasuleis che a me i m’ein seimper piasudi, menga come quili ed chi du sugaman “mesa camisa” chi han vint Sanremo: lelaur piò che i “Brividi” i fan gnir al lat ai garett!

Un ultem salut al fagh al m? amigh Menani, chi l’an imbal? e al dev girer ancara a quater gambi: tin bota, perchè tal s? che me at pos der ‘na man soul per un dè a l’an e saul per Carenvel, al rest et dev fer da per te!

E st? tranquel, che nueter a gh’am al Sante Traunc c’as protes e Lò, per eser sicur ed fer un baun lavor, vest al tant da fer che l’umanit? l’agh procura, l’ha pinse bein, meinter Don Ugulein ai tin dr? al rest, ed ciamer in Paradis du campiaun ed pasinsia e generosit? damant Don Toli e Don Erio.
Vueter, invesi, f? in mod ed tgnir i pè piant? per tera ancara per an so quanti ?n, in bauna salut e con al nostri sani tradisiaun. E arcurdev seimper qual c’av degh me:

Sasuleis, st? ateinti c’ag sia seimper l’aqua in tal canalàti e un biciròt ed lambrosch in séma a la tevla!